常見問題

我哋接受現金或以上付款方式
（ApplePay,GooglePay,信用卡單一發票$500up) ;
AE單一發票$1000up

訂座之前，懇請閣下花少少時間睇睇呢個FAQs，唔係啲咩規條，內容都係常遇到嘅問題(省略時間卻達到要嘅答案)。或者歡迎閣下响「客服在線時間」打電話嚟查詢 98026611
客服在線時間：星期一至四12:00-22:00(假日除外)

FAQs

關於 訂位 / walk-in

我地自助24小時網上訂座系統(僅接受30日內嘅booking) 想揀心水的座區，最好就係提前30日預約，一定揀到合您心意座區。若果無所謂無要求嘅話，最遲係接受即日6小時前訂座㗎！ 所有Booking一定要經inline.app系統預約，閣下先了解當日收費，然後進入訂座頁面 click入圖片揀啱合您心意嘅座區先，唔好淨係睇圖記得睇埋下面文字，燒烤爐款式、每爐人數上限、用咩款燒烤爐、有冇太陽傘、近唔近跳彈床都寫哂响度㗎啦～～ 仲有我地個場 #⚠️爲保護場地園藝林木，禁止大型寵物進場，歡迎不落地『小型寵物』及
『導盲犬』進場 #禁止踢足球 #謝絕外來飲品!!! 揀好座區喇？ 就進入我地預約系統…

▼inline預約系統流程

Step 1: 閣下大約人數 (我地每爐已設定人數上限，加減人數唔超過人數上限係唔需要通知我地。大人/小童/長者，實際人數以到店為準)
Step 2: 閣下嘅喜愛座區 (如果見到時間是「灰色」即表示該區嘅座位已滿，可以考慮其他座區或者其他時間，千祈唔好諗住是但book黎到調位，可以肯定話您知，係冇得調嘅！系統都「座位已滿」我地又點樣調俾您呢？早啲book位咪唔會出現呢個問題啦~^o^
Step 3: 閣下嘅燒烤日子
Step 4: 閣下嘅入座時間 (我地係分段嘅，揀咗邊段時間嚟，唔該請準時到達。遲到我地都係按閣下訂座時間計算嘅！閣下早黎我地唔一定有位俾您坐。若果有位，閣下可要求提早入坐，入坐就開始計時。) 揀好哂就進入下一步…「規則與注意事項」對條款同意就下一步…填寫聯絡資訊及綁定您的信用卡號（Pre-paid deposit）
Pre-paid deposit=同酒店俾deposit一樣。閣下嚟到拎檯就自動解綁，冇收取任何費用㗎！同樣，NoShow訂金全數並直接從您綁定的信用卡扣款。＃訂位成功後您會收到確認SMS。

#超過30人唔該預早少少直接 Email book位(建議7日前) 為省略時間快而準～記得寫重點【✓電話✓日期✓時間✓人數✓座區✓用咩燒烤爐】
「客服在線時間」星期一至四12:00-00:00(假日除外)處理，請耐心等等！閣下會收到SMS通知，需要完成（Pre-paid deposit）先係完成訂座。

關於條款約束：「更改/取消」定義

  • 更改人數: 每爐已設定人數上限，加減人數唔超過人數上限係唔需要通知我地。
  • 更改日期(需要視乎店舖座位情況安排)／取消預約: 最少要7日前通知；而綁定的信用卡Pre-paid deposit係唔會取消，只可以留番下次用，有效期為訂座日子起計30日內，逾期將收取訂金全數並直接從您綁定的信用卡扣款。
  • 逾時未入座(60分鐘)一律視為No Show，並不表示我地接受閣下有60分鐘遲到時間，遲到我地都係按閣下訂座時間計算嘅！唔該請準時到達，因為會有下一個booking使用。#因交通特別情況除外
  • 因惡劣天氣改期(用餐前3小時通知)，Pre-paid deposit有效期為訂座日子起計30日內。
    ✓ 「通知」r@bbqparty.com.hk 以電郵日期時間為準。

Notes：完成訂座後電腦系統將會自動派檯。座區係閣下自己揀嘅，至於派第幾張檯係由電腦安排。如果係一班人嘅話最好一次訂位，唔好分2,3,4,5,6次訂位，然後又要求坐邊個邊個張檯嘅隔離。。。其實我地係可以分單付款嘅(特定座區/最低消費除外) 

如果有特別要求：指定檯號、要邊位、要孖爐、要單爐、要加時等等等等！
閣下可以响訂座系統「備註」說明（千祈唔好諗住黎到揀位）所有坐位已經預先安排分配好。我地會盡量配合，但未必一定做到亦唔會另行通知。

►冇信用卡可以點樣訂位？
僅接受至少一星期之前訂座！可以响「客服在線時間」打黎查詢先，確認有位拿拿聲 恆生銀行或匯豐銀行以#自動櫃員機「即時過數/現金」存入我地銀行戶口， Email send返張入數紙俾我地記得寫重點【✓電話✓日期✓時間✓人數✓座區✓用咩燒烤爐】，待會計部覆核確認收到訂金，客服先會處理閣下嘅訂座。重點一提嘅係：網上訂座系統係優先訂座！同時客服處理事項較多，一定做唔到秒回嘅（一般回覆需要嘅時間大概 30-180mins）～如果响您入數過程中… 等待登記過程中… 其他顧客响網上訂座系統揀咗您個心水靚位嘅話，我地係無法改動。到時只能配給其他座區／其他日子，已入賬嘅訂金係唔會退款，轉帳前考慮到上述因素先～確認收到訂金先會處理訂座！＃訂位成功後您會收到確認SMS。

►咁walk-in得唔得？
需視乎當日booking情況，booking full 咗嘅話就冇walk-in㗎啦～任何情況下我地都唔會HOLD位，一切以網上訂座系統作準。另外walk-in收費同booking係唔同嘅！收費表有寫明㗎～同埋walk-in係無得揀位㗎！要揀位就booking la~^.^

►咁點知walk-in有冇位呀？
我地冇特別預留walk-in區或坐位！網上訂座系統接受即日6小時前嘅訂座，系統尚餘嘅位就係walk-in，先到先得！好難預計~~

關於 收費／加時 / 超時
關於收費

訂座前請先確認當日 ➥ 收費詳情 或 Facebook 
我地明碼實價，唔會臨時加價!!!!!!

  • 小童：以高度計算80-140cm
  • 長者：年滿65歲或以上(須主動出示長者卡或證明)
    門票出售後，恕不更改及退款！
     
  • 供應食物為 3小時
  • 餐檯使用時間為4小時(訂座時間=開始計算)

我地响唔同日子收費略有不同

  • 星期一至五
  • 星期六/日/假期前夕/公眾假期
  • 特別日子 (例如：除夕新年/農曆年/清明節/復活節/中秋/國慶/重陽/聖誕)
    #以收費表為準
  • 普通座區：人頭費+開爐費
  • 特定座區：人頭費+開爐費=最低消費
  • 冷氣蒙古包：人頭費+開爐費=最低消費+租金

關於加時

►想加時收費係點計？
我地係按整個booking人數加「+ 1 round」(4hrs)   
人頭費x2+開爐費x2 
特定座區 (租金x2)
簡單啲即係總消費金額x2=8小時任食任玩
#泊車優惠- 每架車$60/8小時*只適用「+ 1 round」
[2023年9月1日生效] 受泊車條款及細則約束。

►咁加一個鐘幾錢呀？加二個鐘呢？

 

 

*閣下自行選擇；
   +開爐費(包括: 炭、蜜糖及紙巾) 
   +單買：炭／蜜糖／紙巾
#不包括飲品
#不分大小，畫一收費
#免費泊車 3小時*受泊車條款及細則約束。

常見 1：小朋友掛住玩都唔食～淨係加大人啦~
常見 2：8大5小,有啲人唔食喇～淨係坐！計6個啦~
常見 3：10人,有5個加時,另外5個會走先。
Sorry，係唔得嘅！

►咁加時要點樣通知？
响訂座系統「備註」寫明：
加時 1 round / 1hr / 2hrs / 3hrs 就可以㗎啦！

►可以當日先決定嗎？或者燒燒下先加呢？
咁就要睇番當日啲booking，full咗就加唔到嚕~ 有位嘅話當然可以為閣下安排！

 

關於超時交檯

响沒有加時情況下「超時交檯」我地會按超時處理…
超時交檯 15 分鐘或以上(以每位每小時計收取費用)
#不足一小時亦當一小時計算.
#不包括飲品,炭,蜜糖及紙巾.
#取消泊車優惠.

 常見 1：都未食哂啲嘢～(唔好意思,夠鐘就要交檯)
常見 2：燒埋呢啲走㗎喇～(即係超時啦~)
常見 3：夠鐘咁又畀拎嘢食～(明知夠鐘點解仲要去拎嘢食呢?)
常見 4：唔會補錢囉~(咁同食霸王餐有咩分別?)
常見 5：唔做免費泊車上網寫衰你地! (我地控制唔到,但沒有加時情況下「超時交檯」係事實,所以取消泊車優惠)
呢啲刻意側側膊嘅行為！我地絕對係唔會寬容/縱容😡

關於 停車場

大美督嘉年華燒烤-八達通時租停車場- 設有60個(私家車)僅提供消費顧客以時租形式停泊車輛。車位以先到先得方式取得(不設預留)。 
注意：旅遊巴不可駛入
私家車/客貨車/的士：15分鐘免費上落客/貨. 

【停車場】只接受八達通 #八達通不設增值服務. 

收費由入車時間開始計算 每小時
星期一至五  $10/hr
星期六/日/假期前夕/假日 $30/hr 
特別日子 $30/hr 
(不足一小時亦作一小時計算)

網上成功訂座FREE【免費泊車 4小時】 
憑即日單一收據
HK$600up^*  可享【1架車-免費泊車4小時】 
HK$1200up^*可享【2架車-免費泊車4小時】 
HK$1800up^*可享【3架車-免費泊車4小時】 
HK$2400up^*可享【4架車-免費泊車4小時】 
HK$3000up^*可享【5架車-免費泊車4小時】 
#如似類推 
*免費泊車4小時不可與其他優惠共用. 
^夾單：最多可累積兩張即日收據及每張收據須為港幣300元或以上.
#交檯憑即日收據到【收費處】辦理泊車優惠。 

任何使用本停車埸之人士必須同意及遵守以下之使用條款；

  1. 必須遵照本公司指示停泊車輛。 
  2. 不得違反本停車場內標誌之指示。 
  3. 停車場之收費，是按照展示於收費處指示牌之收費辦法辦理。 
  4. 祇限於同一時間內停泊一輛車於本停車場內個別劃界之停車位。 
  5. 在本停車場內上落貨物，必須依照本公司之指示進行。 
  6. 本公司有權拒絕任何人士使用本停車場而毋須給予任何理由。 
  7. 本公司有權將不依條款停泊之車輛移去，並毋須向任何人士負責任何因此而引起之損失。 
  8. 任何人士停泊車輛或使用本停車場，需自行負責。對停泊車輛所受任何損壞，車輛或車輛物品之被盜竊，任何使用人士或其他人士因任何原因而受傷，本公司概不負責。 
  9. 逾時交檯按超時處理並取消泊車優惠。 
  10. 大美督嘉年華燒烤保留在任何時間修改本條款及細則、更改或終止優惠而毋須作出任何通知。 
  11. 如有任何爭議，大美督嘉年華燒烤保留最終決定權。

    12. 客服在線時間

    星期一至四 12:00-22:00 (假日除外)
    Call +852 98026611
    WhatsApp +852 98026611
    Email: cmw@bbqparty.com.hk

    • ⚠️爲保護場地園藝林木，禁止大型寵物進場，歡迎不落地『小型寵物』及
      『導盲犬』進場.
    • 禁止踢足球 No Soccer Allowed.
    • 謝絕外來飲品 No Outside Drinks Allowed.

    有啲乜嘢食呢?

    營業時間

    營業時間 Opening Hours

    • 星期一至四 Monday to Thursday
      12:00-22:00
    • 星期五/六/日/假期 Friday/ Sat/Sun & Holiday
      12:00-00:00

    緊貼我們最新資訊 Facebook

    #黑色暴雨警告信號或八號風球懸掛生效時本店暫停營業, 屆時會在Facebook發出通知.

    冷氣蒙古包暫停提供

    冷氣蒙古包 -係戶外燒烤嘅，蒙古包入面開住冷氣涼浸浸咁嘆住食^.^

    內設獨立冷氣及餐枱(鄰近彈彈床)
    蒙古包內：可容納人數6~8人
    蒙古包外：人數上限20人

    ⟹星期一至五
    「按人頭+開爐費=最低消費$1500up+租金500

    ⟹星期六/日/假期前夕及公眾假期
    「按人頭+開爐費=最低消費$1500up+租金800

    ⟹特別日子
    「按人頭+開爐費=最低消費$1800up +租金1000

    ➽單一發票計算 
    ➽固定太陽傘 2把
    ➽燒烤爐款：重慶爐

    ➽開爐費$100/ 2個爐 

    • 供應三小時環保炭
    • 自取食物盤 2個
    • 蜜糖 2樽
    • 燒烤夾 4個

    #供應食物為 3小時
    #使用時間為 4小時(訂座時間開始計算)
    #額外加爐$100/個
    #加時請在訂座系統【備註】說明 (加時收費請先睇睇*關於收費/加時/超時一欄)

    地址/乘車路線


    大美督嘉年華燒烤 只有一個入口處是小斜路右手邊第一間店 !!只此一家!!
    =================
    地址：大埔 汀角路138-188號
    在汀角村村口對面
    https://goo.gl/maps/t6K2WAw7bhRw8Qjq8 
    =================
    乘車路線
    從大埔墟火車站A2出口
    轉乘巴士75K或綠色專線小巴20C
    約20分鐘車程，在汀角村站下車,
    落車後看對面便可看見 嘉年華燒烤 招牌，
    從小斜路下來右手邊第一間就是。

    的士 從大埔墟火車站出發約$80-90元

    自帶玩具

    注意: 本場不可踢足球

    其他的玩具，在不影響其他客人的情況下，我們是不會有限制的。

    提早入場玩樂
    在不影響我們業務運作下, 不佔燒烤區座位的情況下,
    貴客 可以提早來玩的!
    入場付款便可。付款後請在手上蓋印, 便可全日免費享用本場兒童遊玩設施。

    *只接受已成功訂座顧客
    寵物
    🚫禁止攜帶寵物進入(導盲犬除外)

    Pets are not allowed.(Guide dogs welcome)

    不便之處，敬請原諒。

    麻雀耍樂暫停提供
    麻雀耍樂  租金$100 for 3小時
    每枱麻雀按金$400，交還麻雀時我們會即時退回按金。

    注意: 麻雀耍樂時間相對燒烤時間

    天雨/颱風安排

    ※如預約當日受天氣影響改期,將不收取服務費.
    當日於訂餐時間提前3小時以電郵通知即可.
    r@bbqparty.com.hk

    注意:因場地是戶外主題，我們無法在下雨天的時候作出另行安排, 不便之處，敬請見諒.
    ~~~~~~~~~~~~~~~~~~~~~~~
    黑色暴雨警告信號或八號風球懸掛生效時本店暫停營業, 屆時會在Facebook發出通知.緊貼我們最新資訊
    https://www.facebook.com/bbqparty
     

    入場條例及守則
    大美督嘉年華燒烤 BBQ Party
    入場條例及守則

    (一) 所有入場人士必須購票入場及蓋上手印；

    (二) 小童不予單獨入場，因安全問題，必須要有最少一位成人陪同方可進場；

    (三) 小童票價：80-140cm (以高度計算)

    (四) 長者票價：年滿65歲或以上，在付款前出示須出示長者卡，便可享用長者票價入場；

    (五) 為確保安全，入場人士不得攜帶任何塑膠、玻璃或金屬瓶子/容器、瓶裝或罐裝飲品，以及其他危險物品進場。場地人員有權檢查入場人士的隨身物件；

    (六) 請珍惜食物，所有剩餘之食物每件HK$10，本公司切實執行；

    (七) 所有食物只供堂食；

    (八) 入場後如因天氣問題恕不退款；

    (九) 如燒烤爐空置15分鐘或以上作離場論；

    (十) 謝絕外來任何飲品進場，一經發現將收取附加費 每件HK$100；

    (十一) 為確保安全及大家愉快假期由2016年1月1日起本場嚴禁狗隻進入。不便之處，敬請原諒。

    (十二) 兒童在燒烤場、有機農莊及公園遊玩時，必須由家長或成人陪同及照顧；家長及監護人應好好照顧同行之小童及長者，提醒兒童切勿在場內奔跑追逐，確保安全；並承擔有關照顧同行小孩之全部責任；

    (十三) 各賓客應小心看管個人財物，避免攜帶任何貴重物品進場。如在本場所內遺失、被竊或損毀，本公司不會承擔任何有關責任；

    (十四) 燒烤場、遊樂園及有機農莊的所有資料及設施乃本公司之財物，任何人士如未經許可而帶走或蓄意損毀場內財物，本公司將交予警方處理。本公司將保留追究或賠償有關損失之權利。

    (十五) 如有任何爭議，大美督嘉年華燒烤將保留最終決定權。